Додека светот се подготвува да се соочи со следниот 14-ти февруари и наоколу се појавуваат се повеќе розови и црвени срциња и мечиња, научниците ги предупредуваат љубовниците да внимаваат со бакнежите...

Свети Валентин паѓа токму во екот на зимските вирусни инфекции и наместо пријатни спомени, да ве топлат до летото, може да предизвикате настинка или грип, што навистина ќе ве "стоплат", но со висока температура.

Променливото време често пати е осомничено за вирусни инфекции, но вистината е дека грипот се шири од човек на човек. Не се потпирајте на традиционалните издајници на болеста - настинка, кашлица треска, бидејќи луѓето се носители на вирусите со денови пред да ги развијат симптомите.

Научниците препорачуваат да се избегнуваат натрупувања со луѓе на јавните место, како и да се споделуваат прибори за јадење - вилушка, чаши.

Може да фатите некој штетен вирус и кога споделувате балсам за усни, шише со вода, перниче, крпа и др.

Затоа ако не се чувствувате добро или се сомневате дека вашиот партнер/ка се разболува, немојте да се бакнувате за да го избегнете непријатното боледување.