Бебињата кои јадат со прстите се склони, кога ќе пораснат, да се хранат здраво и да одржуваат нормална телесна тежина, отколку оние кои се навикнати да јадат со лажичка, покажаа резултатите од истражувањето објавено во Британското медицинско списание.

Се работи за тоа што бебињата на тој начин управуваат со разновидноста на својата исхрана, тврдат научниците кои претходно испитале 155 деца на возраст од 20 месеци до шест и пол години, чии родители пополнувале одреден прашалник.

Истражувачите од универзитетот во Нотингем во текот на истражувањето установиле дека децата кои ја „октривале“ храната со прстите сакаат да јадат намирници кои содржат јаглехидрати, како што се леб и тесто, додека оние кои користат лажичка повеќе сакаат засладени производи.