Мажите кои пушат, страдаат од побрзо слабеење на мозочните функции со староста, пренесуваат агенциите, повикувајќи се на резултатите од британско истражување...

Кај 50 годишен пушач се забележува ментално слабеење како кај 60 годишен маж, кој никогаш не пуши, објаснуваат авторите на истражувањето од универзитетскиот колеџ во Лондон.

Во истражувањето биле опфатени 5099 мажи и 2137 жени на просечна возраст од 56 години. При првата проценка на когнитивните способности, експертите открија поврзаност меѓу пушењето и слабеењето на мозочните функции кај мажите, но не и кај жените. Светската здравствена организација го дефинира пушењето како едно од најсериозните закани за здравјето на луѓето во светот.

"Истражувањето го открива постоењето на врската меѓу штетната навика и слабеењето на мозочните функции со староста. Пушењето е ризичен фактор кој може да биде избегнат", пишуваат авторите на истражувањето. Експерите ја истражувале врската помеѓу бројот на годините, пушењето и слабеењето на мозочните функции кај преминот од средна возраст до старост.

Научниците дошле до неколку значајни заклучоци. Една од нив е дека кај пушачите слабеењето на мозочните функции настапува побрзо отколку кај непушачите. Научниците утврдиле уште дека за мажите кои се откажале цигарите десет години пред првата проценка на когнитивните способности, се уште постои зголеен ризик.

Кај поранешните пушачи по подолг период на апстиненција, не се забележува брзо слабеење на мозочните функции и когнитивните способности.