Нискиот коефициент на интелигенција е еден од најточните знаци за тоа каков е ризикот од срцево заболување...

Меѓу другите фактори тој го зазема второто место по важност по пушењето, а веднаш по него е заседнатиот начин на живот. Тоа го заклучиле тим на научници, финансирани од британскиот Совет за медицински истражувања.

Д-р Дејвид Бати, раководител на проектот, ја објаснува важноста на IQ-то во однос на ризикот од срцеви заболувања со фактот дека луѓето со низок коефициент на интелигенција далеку поретко се придржуваат кон здрав начин на живот, се принудени да се справуваат со проблеми кои потоа се одразуваат на интелектот и здравјето.

Во декември 2009 година експерти од Каролинскиот институт на универзитетот во Гетеборг, Шведска, пак го докажаа постоењето на врската меѓу добрата физичка кондиција и високиот коефициент на интелигенција. Нивните експерименти покажале дека човекот во добра физичка форма, поретко страда од срцеви и белодробни болести - главно поради доброто снабдување на организмот со кислород. Но, шведските специјалисти не воспоставиле врска помеѓу нивото на интелигенцијата и физичката сила.