Стресот кај бремените жени може да има влијание врз полот на бебето, покажаа резултатите од истражувањето кое го направила рупата научници од универзитетот во Њујорк.

Истражувањето покажало дека идните мајки, постојано изложени на стрес или траума на почетокот од бременоста, почесто раѓаат девојчиња.

Научниците дошле до тој резултат испитувајќи ги псоледиците на бремените жени во многу стресни ситуации - земјотресот во Чиле во 2005 година.

При таа прилика констатирано е дека посилен стрес на почетокот на бременоста во голема мерка ја зголемува опасноста од предвремено пораѓање.

Секоја десетта чилеанка која го доживеала земјотресот во 2005 додека била бремена се породила пред време, додека во нормални услови се работи за 6%, констатирале научниците.

Истражувачите утврдиле и поголем процент на раѓање девојчиња, затоа што во нормални услови од 100 бебиња се раѓаат 51 момче и 49 девојчиња, додека по земјотресот се родени 55 девојчиња и 45 момчиња.

Се претпоставува дека машкиот фетус е почувствителен на стрес од женскиот, па така и поизложен на спонтан абортус.