Прејадувањето е еден од најчестите проблеми за време на празниците, се намалуваат умствените способности, предупредуваат диетолозите...

Експертите се загрижени дека прекумерното јадење не само што е штетно за здравиот начин на живот, туку и за мозокот.

Во рок од шест месеци тим од американски научници набљудувале како храната влијае на мозочната активност на глувци.

Во истражувањето учествувале две групи на глодари, едната од нив била хранета со ниско калорични производи, а другата со високо калорични производи.

Експертите го истражувале однесувањето на глувците во зависност од нивната прехрана. Се покажало дека умерената исхрана значително ја намалува агресијата кај животните и ги подобрува интелектуалните способности.

Експертите сметаат дека откритието ја потврдува врската помеѓу умствените способности и метаболичките нарушувања.