Конзумирањето на сирење може да биде помалку штетно за срцето отколку конзумирањето путер, покажаа резултатите од едно данско истражување.

Истражувачите констатирале дека покрај поголемата количина на заситени масни киселини во сирењето, тоа нема влијание на зголемувањето на нивото на лош холестерол во крвта, во споредба со истата количина путер.

Научниците дошле до тие резултати извршувајќи контрола на околу 50 личности под режим на исхрана на кои дневниот внес на липиди бил заменет или со сирење, или со путер.

По шест недели, личностите кои конзумирале сирење имале пониско ниво на лош холестерол (LDL) од оние кои земале путер.