Сокот од портокал богат со витамин Ц се смета за еден од најкорисните пијалоци...

Шпанските научници предупредуваат дека соковите, кои се нудат во кафулиња и ресторани, можат сериозно да го загрозат вашето здравје.

Покрај корисните материи во нив можат да присуствуваат и разни штетни микроорганизми, како салмонела. Причината за нивната појава се должи на непочитувањето на хигиената при приготвување на соковите.

Еден од водечките автори на истражувањето, професорката од Универзитетот во Валенсија, Изабел Соспедра, анализирала 90 примероци на сок од портокал во различни институции во Шпанија.

Се покажало дека 43% од нив содржат високо ниво на опасни бактерии по здравјето на луѓето - салмонела, стафилокока и друго. Овие опасни бактерии паѓаат во соковите поради лошо исчистените соковници и чаши. Исто така таа препорачува сокот да не биде чуван во метални садови, туку во стаклени.

Најдобро е тој да биде испиен веднаш откако сте го исцедиле, да не се загуби ползата од корисните својства.