Континуираното работно време и вонредните часови поминати на работното место се поднесуваат потешко кај жените и имаат повеќе штетно влијание врз здравјето на понежниот пол, тврди истражување на британските научници од универзитеот Кембриџ...

Како резултат на зголемениот стрес на работното место, жените пушат повеќе цигари, пијат повеќе кафе и употребуваат штетна храна.

Интересен е фактот утврден при истражувањето, дека и мажите и жените пијат помалку алкохол, кога мораат да работат многу. Кај жените, сепак се засилува желбата за обилна и нездрава исхрана.

Експертите тврдат дека жените кои работат долго време, јадат калорична и мрсна храна и помалку се занимаваат со физички вежби, жените пушачи пушат повеќе цигари, додека должината на работниот ден не влијае на активностите со спорт кај мажите, бројот на испушени цигари или испиеното кафе.

Луѓето најмногу склони кон таквото однесување, научниците го нарекуваат "емоционално гладни". Тие се опишани во истражувањето како лесно и силно ранливи и склони да ја избришат внатрешната тензија токму со помош на храната.

Кога кај нив се појави чувство на вознемиреност, емоционална возбуда или непријателство кон самите себе, тие почнуваат да јадат за да се заштитат од негативните емоции.