Следниот пат, кога ќе почувствувате пад на работо-способноста, не брзајте да отворите чоколадо, наместо тоа направете проштка, советуваат британските научници...

15 минутна прошетка го намалува половина количеството на чоколадо, што вработените го конзумираат во стресни ситуации, утврдуваат истражувачите.

Конзумирањето на високо калорична храна како чоколадо на работното место, може да се претвори во неразумна навика и по некое време да доведе до дебелеење. Често сметаме дека оваа храна ја засилува нашата енергија и ни помага да се справиме со стресот на работа или со депресијата. На луѓето честопати им е тешко да се откажат од секојдневните деликатеси, но истражувањето покажува дека прошетката може да го преполови примањето на калорична храна, изјавил професорот Адријан Тејлор од универзитетот во Ексетер.

За целите на истражувањето научниците на 78 лица кои редовно конзумирале чоколадо им дале неколку тестови поврзани со работа и вежби. Оние кои извршувале физичка активност пред работа, јаделе просечно по 15 грама чоколадо, наспроти 28 грама за луѓето кои не правеле никакви вежби.

Пред извесно време професорот Тејлор и неговиот тим открија дека вежбите можат да ја намалат желбата за чоколадо, но тоа е првата студија, што покажува дека тие ја намалуваат потрошувачката на штетната храна.