Витаминот Ц, без разлика дали е конзумиран преку храната или преку додаток во исхраната, го намалува значително ризикот од инфаркт...

До овој заклучок дошле научниците од Јужна Кореја, кои ги анализирале податоците за состојбата на луѓето со зголемен ризик од срцева слабост.

Кај оние во чија исхрана имало многу храна која содржи значителни количества на витамин Ц или земале редовно додатоци во исхраната, во кои бил вклучен овој витамин, ризикот од смрт поради срцев удар бил два пати помал.

Ова дејство на витаминот Ц, корејските научници го оддаваат на антиоксидантното дејство.

Според нивните американски колеги, цитирани од Ројтерс, објаснувањето е многу едноставно - луѓето кои внесуваат повеќе витамин Ц, јадат повеќе овошје и зеленчук, односно нивното здравје во целина е подобро.

Како што е познато, диетата, која вклучува повеќе овошје и зеленчук е здрава и го намалува ризикот од срцеви заболувања.