Постарите жени кои се физички активни и поминуваат релативно малку време гледајќи телевизија, изложени се на помал ризик од депресија, укажува една голема американска студија.

Професионалците од Харвардското училиште за јавно здравје ги анализирале животните навики и склоноста кон депресија на речиси 50.000 жени. На почетокот на студијата ниту една од овие жени не страдала од депресија, а десет години подоцна од таа болест се оболеле 6.500 жени.

Бидејќи се земени во обѕир разни фактори кои се доведуваат во врска со депресијата (телесната тежина, пушењето, други болести), утврдено е дека телесно најактивните жени - кои час и пол или повеќе дневно возеле велосипед, трчале, пливале или само оделе - се под 20% помал ризик да се разболат од депресија отколку оние кои физички активни биле десет минути дневно или помалку.

Исто така се открило дека оние испитанички кои три или повеќе часа секој ден гледаат телевизија, се под 13% повеќе ризик да се разболат од депресија од оние кои ретко го вклучувале телевизорот. Меѓутоа, таа врска би можела да биде и последица на фактот што физичката активност е заменета со седење пред телевизор, напоменуваат американските професионалци.

Исто така постои и можност дека кај некои испитанички баш депресијата е причина за помала физичка активност, односно дека прво станале депресивни, а потоа поради тоа и помалку активни.