Едно јаболко секој ден веројатно ќе ве држи подалеку од доктор, но би можело да ве натера повеќе време да посветите на забар, велат резултатите од ново истражување...

Научниците тврдат дека јаболкото е дури 3 пати поопасно за забите од газираните пијалоци. Тие тврдат дека пивото и виното исто така лошо влијаат врз нашите заби.

Тим на научници следеле 1000 луѓе, на возраст од 18-30 години, а обрнале внимание на нивната исхрана, следејќи го статусот на забите. Тие откриле дека луѓето кои јадат јаболки имаат за 3.7 пати повеќе оштетени заби од луѓето кои пијат газирани пијалоци.

"Не е важно само што јадеме, многу е важно и тоа што го пиеме", рекол професорот Дејвид Бартлет, еден од членовите на истражувачкиот тим.

Лекарите често препорачуваат јаболки, но ако ги јадете пребавно, високото количество на киселини можат да ги оштетат вашите заби.