Вегетаријанската диета ќе биде од голема корист за дамите, ако посакуваат да го привлечат вниманието на спротивниот пол, тврдат британски експерти, цитирани од весникот Дајли стар...

Истражувачите од универзитетот во Бристол објаснуваат дека жените ќе добијат поголема популарност меѓу претставниците на посилниот пол, наместо да се изложуваат на сончевите зраци, можат да си обезбедат сјаен тен со помош на овошјето и зеленчукот во секојдневното мени.

Авторите на студијата утврдиле дека пулсот на мажите се забрзува кога ќе видат дама со убава кожа како моделот Роуз Хантингтон Вајт, а не убавици со силен сончев тен како Кети Прајс.

Прекумерниот сончев тен може да предизвика лупење на кожата. Чуда сепак може да направи диетата, вклучувајќи многу овошје, зеленчук и житарици.

"Утврдивме дека попривлечен е златниот ефект на исхраната отколку темниот ефект од сонцето", вели Иан Стивен од истражувачкиот тим.

Тајната на убавата кожа се крие во здравото количество на сончеви зраци и изобилството од овошје и зеленчук, велат во заклучокот експертите.

Најдобри за сјајна кожа се дињите, кајсијата, пиперките и спанаќот.