Да се стекне редовна навика за одење во теретана е успех сам по себе. За разлика од групните и организирани облици за вежбање како пилатес или јога, сами бирате кога ќе вежбате и колку ќе вежбате. Но, често мотивацијата се губи ако помине одредено време, а на вашето тело и вага не се гледаат резултати...
Тоа е сценарио кое фрустрира многу вежбачи, но не е невозможно да се промени. Донесуваме три причини поради кои не слабеете во теретана и што да сторите за да го промените тоа и како вашиот престој таму да биде максимално ефикасен.
1. Не правите доволно кардио вежби
Аеробната активност е најефикасен начин за согорување калории, затоа бидете верни во правењето кардио вежби. Правете ги 30 до 45 минути, три или четири пати неделно. Истражувањата покажале дека правилните разлики меѓу тренинзите се клучен фактор во топење на мрсното ткиво од стомакот, затоа тренирајте редовно.
Важен е интензитетот: 45 минути жестоко вежбање топи три пати повеќе калории отколку 45 минути одење.
2. Не сте доволно сконцентрирани на вежбањето
Губењето на тежината подеднавко е ментална задача колку и физичка. Затоа, опуштеното одење по подвижна лента, листајќи списание не е најдобар начин за симнување на вишокот килограми. Резултати ќе постигнете ако се сконцентрирате на вежбањето и не го скратувате тренингот (за пет минути можете да согорите и повеќе од 50 калории).
Исто така, пронајдете одредена цел или лична причина која ве поттикнува да ослабнете и користете ја како мотивација во одржување на рутината вежбање. Поставете си некои помали цели, а кога ќе ги постигнете прославете на некој начин.
3. Не правите тренинзи за сила
Кардио вежбите се клучни за слабеење, но за максимален резултат вашата програма на вежбање треба да содржи и еден до два тренинзи за сила неделно.
Тренингот за сила може да го намали мрсното ткиво за 3% во десет недели, затоа што мускулите согоруваат повеќе калории од салото. Не заборавајте дека слабеете и по тренингот за сила: по едночасовен тренинг жената во просек согорува уште додатни сто калории во идните 24 часа.
