Постојаната ненаспаност е меѓу главните предуслови кои ја провоцираат човечката агресија, тврди една статија во весникот "Вашингтон пост"...

За време на потврдата на оваа теза, двајца истакнати американски научници Мајкл Крисченс и Александар Елис - направиле експеримент, во кој биле проследени реакциите на луѓето во период на постојана ненаспаност.

Учесниците во експериментот биле две категории на луѓе - медицински сестри и студенти кои во своето секојдневие често стигнуваат до ситуации на подолг временски период без спиење.

За време на истражувањето половина од волонтерите биле оставени за одреден временски период без да им биде дадена можноста да заспијат. Откако истекло времето, и од двете групи се барало да извршат одредени задачи.

Кај оние кои не биле наспиени, се гледала повеќе агресија во спроведувањето на поставените задачи - и одговарале со негативен однос, користеле непристоен јазик, а дошло дури и до вандалски настани.

Од медицинска гледна точка, Елис и Крсиченс заклучиле дека долготрајниот недостаток на сон доведува до драстично забавување на извршувањето на функциите на мозокот и особено во оној дел од него, кој е одговорен за однесувањето на човекот. Кога функционирањето е отежнато, човек не може да се усогласи со конкретната средина, затоа се препушта на агресијата, понекогаш и како заштитна мерка.