Пивото е еден од најпопуларните и најстарите алкохолни пијалоци. Се пиело уште во предисторискиот период, но денешната главна состојка, хмељот, почналa да се користи дури во 13 век. Пивото во минатото имало толку голема важност, што се нашло во Хамурабиевиот законик, првиот пишан законик на светот во кој пишува дека пивото не смее да содржи премногу вода, ниту да се продава по превисока цена...

Пивото е целосно природен и биолошки урамнотежен производ, па со право се смета за течна храна. Енергетската вредност на еден литар стандардно пиво одговара на енергетската вредност на еден литар полномасно млеко.

Во пивото уживаме поради неговиот единствен вкус и мирис, но тоа освен на сетилата, позитивно делува и на нашата физичка состојба. Се разбира, под услов да се конзумира умерено. Дознајте кои се петте позитивни влијанија од пивото за здравјето и - на здравје!

1. Го намалува ризикот од болести на срцето

Истражувањата потврдиле дека умерената конзумација на пиво го намалува ризикот од срцеви заболувања. Причината е едноставна: алкохолот го зголемува нивото на HDL, односно добриот холестерол со што се намалува можноста за здебелување на артериите и згрутчување на крвта што може да резултира со срцев удар.

2. Богато е со витамин B6

Пивопијците имаат за 30% поголема количина на витаминот B6 во крвта од луѓето кои не пијат пиво, и двојно повеќе од луѓето кои конзумираат црвено вино.

3. Спречува создавање на бубрежен камен

Љубителите на пивото имаат 40% помалку шанси да добијат бубрежен камен од оние кои не го пијат. Студијата не можела да одреди која состојка е заслужна за тоа, но без оглед, резултатот е импресивен.

4. Им помага на жените поубаво да стареат

Докажано е дека умерената конзумација на алкохол помага во зачувувањето на густината на коските и менталните способности кај постарите жени. Но, тоа не е сè. Флавоноидите во хмељот, главната состојка на пивото, имаат слични својства како естрогенот, па можат да послужат како природен надоместок за хормоните кај жените во менопауза.

5. Го спречува ракот

Хмељот содржи ксантохумол, супстанца која уништува одредени ензими во организмот кои можат да го активираат ракот и му помага на телото во уништување на супстанците кои предизвикуваат рак. Ксантохумолот моментално се тестира за цел пронаоѓање на превентивен начин за лечење на ракот на простата и дебелото црево.