Високата концентрација на тестостерон во машкиот организам може да го намали ризикот од кардиоваскуларни заболувања, открија научниците од универзитетската болница во Гетеборг, откако истражувале 2400 швеѓанци на возраст помеѓу 70 и 80 години...

Возрасните мажи со високо ниво на овој хормон поретко заболуваат од срцеви болести, отколку мажите со пониски нивоа на тестостерон, покажуваат истражувањата.

Од 694 мажи, кои во почетокот на експериментот биле дијагностицирани со ниски нивоа на хормонот, 21% добиле срцев удар во рок од пет години од почетокот на експериментот.

Само 16% од мажите со повеќе тестостерон се пожалиле на болки во градите за време на експериментот. Ризикот од срцеви проблеми, инфаркт и мозочен удар кај нив бил 30% помал, заклучиле научниците, земајки ја во предвид тежината, крвниот притисок и дијабетес.