Краткорочно гледано од алкохолот имаме силен мамурлак, уморни сме и не изгледаме добро, но тоа што алкохолот му го прави на телото долгорочно е многу посериозно...

Рак на дојката и усната шуплина, болести на срцето, мозочни удари и цироза на црниот дроб се само некои од последиците, но овде се и последиците врз менталното здравје, влошување на помнењето и ослабена плодност. Лекарите забележале дека алкохоличарите имаат проблеми со варењето, на нивното потечено лице се појавуваат дамки, имаат проблеми со спиењето, а кај жените е зголемено и таложењето на целулитот.

Д-р Кеј Џеј Пател истражувајќи го влијанието на алкохолот на глувчињата дошол до важни заклучоци. Имено, само една доза алкохол била доволнa за во геномот на фетусот да дојде до разни аномалии, а само три пијачки на ден силно ја зголемуваат можноста од заболување од рак. Една минатогодишна студија покажала дека, кога ќе се земе во предвид влијанието на поединецот и друштвото, алкохолот е многу поопасен од хероин или крак, како и од кокаинот и тутунот затоа што има многу пораширена употреба.

Се поставува прашањето, колку всушност смее да се пие алкохол, а да не му се наштети на телото. Порано се сметаше дека жените не би смееле да испијат повеќе од две пијачки на ден, а мажите до четири, но лекарите предупредуваат дека безопасните количини алкохол се далеку помали. „Не можеме на луѓето со сигурност да им кажеме колку некој смее да испие, но тоа што го знаеме е колку помалку пијат, помала е можноста да се разболат од некоја болест. Луѓето сакаат да се напијат чашка алкохол, но мораат да бидат свесни за каков ризик всушност се работи“, рече за BBC директорката на Институтот за алкохол, Кетрин Браун.