Смеењето би можело да биде добар лек за постарите луѓе кои патат од деменција, открива неодамна спроведеното австралиско истражување...

Овој "природен лек" кој не предизвикува несакани ефекти, го промовира австралискиот терапефт Жан Бол Пел кој ги засмејува постарите пациенти како дел од својот програм "играј си".

При смислувањето на програмата, Бел осврнал на резултатите од истражувањата за ефектот на расположението, однесувањето и социјализацијата на пациентите со деменција кои покажале дека со користење на терапијата делуваат посреќно.

Истражувањето во кое и самиот учествувал, било спроведено за период од 3 години во 36 старечки домови во кои Бел организирал игри, кажувал вицеви и пеел за да ги развесели своите соговорници.

Освен што изгледале посреќни, пациентите со деменција делувале и смирено, рекла лидерот на истражувањето Ли Феј Лу од психијатриската школа на универзитетот во Јужен Велс.

"Дваесет проценти звучи малку, но истите резултати би ги постигнале доколку им дадевме и антипсихотици, лекови кои се користат во лекување на шизофренија и биполарно пореметување", објаснила таа.

Околу 6.5% од луѓето на возраст од 65 години и 22% постари од 85 години патат од деменција, која вклучува околу 60 различни пореметувања кои предизвикуваат неуродегеративни промени во мозокот.