Гледањето телевизија, кое се поврзува со седење, е исто толку штетно по здравјето како и конзумирањето тутун или физичката неактивност, покажаа резултатите од австралиското истражување...

Истражувањето покажало дека гледањето телевизија во просек шест часа дневно може да го намали животниот век за пет години, како и дека по 25 години од животот, секој час поминат пред телевизорот го намалува животниот век за 22 минути.

Група научници од универзитетот во Квинсленд дошла до тие резултати врз основа на анкетата во која учествувале 11.000 личности постари од 25 години.

Тие одат до таа мерка, што „излежувањето“ пред телевизорот го сметаат исто толку штетно, колку и пушењето цигари и препорачуваат да поминуваме колку што можеме помалку време гледајќи телевизија.