Британските научници измислиле „пипули против стареење“ кои наводно ги „пеглат“ брчките. Таблетите ќе се продаваат во обични аптеки, а пакувањето за едномесечен третман ќе чини околу 40 евра...

Научниците од Велика Британија измислиле замена за ботокс и кремови наменети за стара кожа, усовршувајќи таблети кои влијаат на длабоките слоеви на кожата и, влијаејќи одвнатре, ги елиминираат брчките и ја намалуваат вишокот кожа околу очите.

Како што објави лондонскиот Daily Telegraph, во клиничкото испитување на новиот препарат, во кое учествувале 500 жени, потврдено е дека длабоките брчки околу очите кај овие дами за време на 14 недели се намалени за повеќе од 30%.

Пилулите за убавина содржат мешавина од прехрамбени екстракти, витамини C и Е, изофлавони, ликопини и омега-3 масна киселина.

Научниците се уверени дека овие компоненти се спротиставуваат на стареењето на кожата на генетско ниво. Еден од творците на препаратот, Џон Кејси тврди дека средството ги активира гените кои произведуваат естроген и колаген.

Таблетите против брчки, тврдат нивните создавачи, наскоро ќе се појават во обичните англиски аптеки, кои ќе чинат околу 40 евра за едномесечна терапија.