Само едно јаболко на ден, додадено во менито, може да ви го промени животот, тврдат холандските диетолози...

Според нив јаболкото го намалува ризикот од мозочен удар поради високата концентрација на супстанцата кверцетин, која поседува силни антиоксидантни својства.

Истражувањето на холандските научници од Универзитетот во Вагенинген траеше 10 години во кои учествувале 20.000 лица и се покажало дека кверцетинот се бори со воспалителните процеси, а воспаленијата водат до стврднување на артериите и може да предизвикаат мозочен удар.

Според експертите ризикот од мозочен е намален за 9% кога луѓето  конзумираат 25 грама јаболко или круша на ден.

"Со оглед дека една средна големина јаболко тежи 100 - 125 грама го намалува ризикот со 36-45%", тврди шефицата на истражувањето Линда Уде Грип.