Конзумирањето на големи количини овошје и зеленчук со бело „месо“, како јаболки, круши или карфиол, можат да помогнат во заштитата од мозочни удари, покажало истражувањето објавено во списанието Stroke...

Холандските истражувачи, кои 10 години го следеле здрајвето на повеќе од 20 илјади личности, сепак не ја откриле причината поради која ризикот од мозочен удар е помал дури и од 52% кај личности кои јадат многу јаболки, круши, банани или карфиол. Професионалците предупредуваат дека тоа не значи дека луѓето треба да престанат да јадат други видови овошје и зеленчук.

На почетокот на истражувањето испитаниците пополниле детален прашалник за прехрамбените навики и начин на живот во претходната година, а по тоа следени се следните десет години и истражувана е врската меѓу бојата на овошјето и зеленчукот и ризикот од мозочен удар. Научниците воочиле дека зголеменото потрошување на „бело“ овошје и зеленчук за 25 грама дневно е врзано со 9% намалување на ризик од удар.

Истото истражување не покажало дека на честоста на мозочните удари влијае конзумирањето на темнозелен лиснат зеленчук, зелка и салата од цитрон или црвено овошје и зеленчук.