Еден од плодовите кои есенските бои на бакар и сите нијанси на кафеаво ги прошарува со свој сино-виолетов траг е сливата. Во својата сува варијанта, оваа сојузничка на лошото варење исто така го намалува ризикот од остеопороза...

Десетина суви сливи дневно го намалуваат ризикот од остеопороза и кршење на коските, кој со текот на годините расте, посебно кај жените кои излегле од менопауза, покажа истражувањето спроведено на универзитетот во Флорида.

За време на истражувањето лекарите ја следеле здравствената состојба на 100 испитанички кои излегле од менопауза, кои биле поделени во две групи.

Првата група, во која имало 55 жени, година дена јаделе околу 100 грама или десетина суви сливи дневно, а во другата контролна група имало 45 жени кои јаделе суви јаболки.

Сите жени ги земале препорачаните дневни дози на калциум и витамин D.

Анализите покажале дека жените кои конзумирале суви сливи имале значително подобра густина на коските од оние во другата група. Со обѕир на тоа дека во текот на првите пет години по менопаузата густината на коските значително се намалува, што го зголемува ризикот од скршеници, лекарите препорачуваат сувите сливи да станат дел од секојдневната исхрана.