Ако бременоста поминува без компликации, посоветувајте се со лекарот и само напред - нема никаква причина да си го скратувате уживањето...

Германското здружение на гинеколози тврди дека сексот за време на бременоста е безопасен за здравјето на плодот, пренесува агенцијата DPA.

„Идните родители можат непречно да уживаат во се во што обично уживаат кога водат љубов“, вели претседателот на тоа здружение, др. Кристијан Албринг.

Тој истакнува дека плодот е добро заштитен со плодова вода, па се додека грлото не е отворено и плодовата вода не тече, нема потреба за воздржување од секс за време на бременост.

Др. Албринг предупредува дека сеуксуалната активност непосредно пред породувањато може да предизвика новороденчето да дојде на свет пред време, и затоа идната мајка мора да биде предупредена дека постои опасност од прерано пораѓање ако нејзиниот лекар утврди постоење на предвремени повремени контракции или дека постелката за време на бременоста не се „повлекла“.

Сепак, лекарите потсетуваат на значителноста од одржување на хигиената на интимните делови на телото за време на бременоста, како и дека паровите би требале да имаат на ум дека кондомите ја штитат и мајката и нероденото дете од бројни потенцијални инфекции.