Личностите со додатни копии на одредени гени имаат многу поголеми шанси да бидат исклучително слаби, заклучиле научниците во првото истражување кое покажува дека во гените би можела да се крие причината за екстремна слабост...

Според истражувањето објавено оваа недела во списанието Nature, истражувачите од британскиот кралски факултет во Лондон и унверзитетот Лосан во Шавајцарија, откриле дека дуплирањето на делбата на хромозомите 16 е поврзано со потхранетоста. Порани истражувања покажале дека личности кои имаат помалку копии од тој ген имаат 43 пати поголеми шанси за екстремна дебелост.

„ОВа е прв пат да биде утврдена генетска причина за екстремна слабост“, рече Филип Фрогел од краската школа за јавно здравје, кој воедно е и водач на истражувањето. „Ова исто така е прв пат да се види дека зголемувањето односно намалувањето на одреден дел од геномот има спротивни ефекти“, вели тој.

Според научникот, една од причините за важноста на оваа откритие е дека покажува дека недостатокот на правилно развивање во детството може да биде генетски условено. „Ако детето не јаде, тоа не е нужно вина на родителите“, истакнува Фрогел.

Нормално, секоја личност има копија од секој хромозом од секој родител, што значи има две копии од секој ген. Но, понекогаш некои делови од хромозомот можат да бидат дуплирани или намалени, што резултира со „погрешна доза“ на ген, објаснуваат истражувачите. Истражувањето покажало дека една од две илјади личности има дуплиран дел од хромозомот 16 и дека таквите личности имаат 23 пати поголеми шанси за екстремна слабост.