Мрсните клетки содржат хемикалии потребни за раст на косата...

Истражувачите од америкаскиот универзитет Јејл откриле дека мрсните клетки во кожата содржат извор на хемикалии кои се потребни за раст на косата.

Експериментите на глувчињата покажале дека мастите ги контролираат матичните клетки на кожата. Вшприцување одредени мрсни клеки предизвикало зголемено растење на влакната кај глувчињата кои инаку имале проблем со раст на влакната. Од унверзитетот порачуваат дека постои можност откритието да се искористи и кај луѓето, за повторно да го покренат растрењето на косата и да го обрнат процесот на ќелавење.

Научниците кажале дека околу новите изданци на косата претходно дошло до зголемување на бројот на мрсни клетки во кожата. Сфатиле дека мрсните клетки произведуваат хемикалија која го поттикнува растот на косата во речиси 100 пати поголема мерка отколку останатите клетки кои ги опкружуваат. Вшприцувањето на тие клетки во кожата на дефектните глувчиња го предизвикало растењето во 86% случаи.

Американскиот тим се уште не е сигурен дали истиот принцип ќе функционира и кај луѓето, а во меѓувреме ќе се обидат да откријат и други хемикалии кои го поттикнуваат растењето на косата.