Дали човек ќе доживее срцев удар, ќе има зголемен притисок или стеснување на артериите, зависи од мноштво лични избори кои се однесуваат на начинот на живот, укажуваат истражувањата презентирана на состанокот на Друштвото на европските кардиолози...

Идеална формула за зачувување на срцевото здравје во секој случај не постои, а вистинската комбинација на работи кои треба да се прават во таа смисла варира од личност до личност.

Една данска студија, со која раководел кардиологот Петер Шнор, на пример, покажала дека интензитетот на некоја физичка активност е поважен од нејзиното траење. Утврдено е дека луѓето кои поживо ги врзтат педалите додека возат велосипед, во просек живеат 5,3 години подолго од оние кои го прават тоа поспоро.

„Просечниот интензитет“ на возење велосипед во секој случај е доволен да обезбеди 2,9 години подолг живот.

Едно друго истражување, објавено на универзитетот Мериленд, ја потврдува вистинитоста на народната мудрост дека смеењето е најдобар лек. Имено, утврдено е дека мажите и жените кои боледуваат од срце, 40% се помалку склони да ги прифатат вообичаените животни ситуации со доза хумор.

Водачот на оваа истражување, професор Мајкл Милер и неговиот тим, исто така утврдиле, покажувајќи им на испитаниците наизменично стресни филмови и комедии, дека разликата во движењето на крвните садови помеѓу фазата на смеа и фазата на ментален стрес се движи од 30 до 50 проценти.

Истражувачите од Хелсиншкиот универзитет повторно утврдија дека на срцето не делува ништо толку лошо како комбинација на интензивен притисок за извршување на некоја работа и условите кои не се поволни за тоа да се оствари. Доколку ваквите состојби се чести во нечиј живот, тоа може да резултира дури и со прерана смрт.

Од друг страна, истиот тим открил дека вработените сепак подобро се носат со ризиците од срцеви болести, отколку оние кои се без работа.