Најдобриот пријател на човекот би можел да стане и многу ефикасен дијагностичар на рак на белите дробови. Тестирањата во Германија покажале дека кучињата можат да ја откријат болеста преку само еден здив од заболената личност...

Бени веќе со недели вежба на последната задача. Со душката се обидува да разликува кои примероци доаѓаат од личности заболени од рак на белите дробови. „Кога ќе го почувствуваат мирисот на рак, кучињата легнуваат. Истренирани се со помош на позитивната стимулација. Има многу примероци, повеќе од 200. Кучињата можат да ги раздвојат оние со рак од оние без рак“, вели Уве Фридрих, тренер на кучиња.

Душката на кучето е многу успешна во потрагата. Бени ракот на белите дробови го открива врз основа на само еден здив. Тренинзите во германскиот Луфинген ги охрабруваат лекарите. Овој вид на карцином е водечка причина за смртта на мажите и жените.

„Електроничките носеви се исклучително чувствителни на влијанијата како што се диети, вид пијалок, цигари. На кучињата тоа не им семата. Без оглед на споредните мириси, кучињата лесно откриваат дали личноста има рак“, вели др. хирург Еноле Бодекер.

„Направивме студија за кучињата кои се тренирани за откривање рак на бели дробови преку здивот. По повеќе тестови, утврдивме дека кучињата навистина можат да го откријат ракот на белите дробови преку здив со точност од 72%“, додаде Еноле. Рак на дебелото црево или на мочниот меур, кучињата го откриваат со душката со точност и до 90%. Истражувањата и тренинзите на тој начин, домашите миленичиња би можеле да ги претворат во составни делови на лекарските екипи.