Ново истражување покажало дека конзумирањето чоколадо би можело да го намали ризикот од појава на срцеви заболувања за една третина...

На европскиот конгес на кардиолози, кажано е дека не е јасна поврзаноста на чоколадото и намалениот број на срцеви заболувања.

Последните години постои низа научни студии кои покажуваат можни позитивни ефекти од конзумирање на чоколадо, посебно црно, кое содржи флаванол, природна состојка која се наоѓа во какаото, за која се смета дека поволно влијае на крвните садови.

За да се разјаснат недоумиците, Оскар Франко и неговите колеги од универзитетот Кембриџ ги споиле резултатите од седум студии кои вклучувале 100.000 луѓе.

Пет студии ја покажале благотворната поврзаност меѓу конзумирањето чоколадо и кариоваскуларното здрајве, додека две не го потврдиле тоа.

Целокупното истражување покажало дека конзумирањето на поголеми количини чоколадо се доведува во врска со намалување на срцевите заболувања за 37%, како и намалување на срцевите удари до 29%, во споредба со помалку конзумирање на чоколадо.

„АКо сакате да го намалите ризикот од срцеви заболувања, постојат многу подобри начини за тоа, од отварање на кутија со чоколадо“, изјави претставничката на Британската фондација за срце, Викторија Тејлор, која не учесвувала во истражувањето.

Франко, чии откритија се објавени во електронското издание на Британскиот медицински весник, рече дека иако изгледа дека чоколадото позитивно влијае на срцето, тоа дејство лесно може да го поништи нездравата содржина на многу други слатки работи.