Работната маса во канцеларијата може да содржи и до 400 пати повеќе бактерии отколку WC шолја...

Неодамнешното американско истражување открива дека 27% од вработените редовно појадуваат на работнот место, 62% ручат таму, додека половина од нив грицкаат разни грицки додека работат со компјутерот.

Како што пренесуваат американските медиуми, на оваа лоша навика посебно подложни се жените кои се повешти од мажите во извршување на повеќе задачи истовремено.

Истражувачите предупредуваат дека работното место, на пример канцеларија, може да содржи до 400 пати повеќе бактерии отколку WC шолја. Имено, 64% од вработените признава дека го чисти својот компјутер еднаш месечно или дури и поретко, што не е случај со тоалетот кој се дезинфицира многу почесто.

„Инфекциите како салмонела и ешерихија коли ве дебнат на работното место“, предупредува Тоби Смитсон, портпарол на Американското диететичко здружение кое го спровело истржаувањето.

Неговиот совет е пред секое јадење да се измијат рацете (само 50% од испитанците рекле дека го прават тоа), а потоа добро да се исчисти работната површина, посебно глувчето и тастатурата.