Децата кои се занимаваат со некој спорт, жедта после тренингот би требало да ја изгаснат со млеко, а не со вода, препорачуваат научниците...

Истражувачите за канадскиот универзитет Мек Мастер утврдиле дека млекото е многу поефикасно во борбата против дехидрација по спортските активности, отколку водата.

„Децата за време на играта дехидрираат и важно е да ја надокнадат изгубената течност пред ‘вториот круг’. Млекото е подобро од водата или сокот за гаснење на жедта затоа што е извор на квалитетни протеини, неопходни за развој на коскено-мускулниот систем, калциум и електролити“, вели доктор Брајан Тимонс кој го водел истражувањето.

Исто така, со млекото ефикасно се надокнадува и натриумот кој се губи од телото по пат на потење.

Децата, но и возрасните, за време на бавењето со спорт често забораваат да внесат довлно течности, па може да дојде до дехидрација, која во почетокот доведува до намалување на способностите и забрзана работа на срцето, но ако течноста набргу не се надокнади, може да доведе и до главоболка, несвестица и зголемена температура.