Конзумирањето на соја нема никакво влијание на нивото на хормони кај жените во менопауза, покажаа резултатите од истражувањето на група научници од универзитетот во Мајами...

Научниците дошле до тој заклучок испитувајќи ја ефикасноста на дејствата на додатокот во исхраната кој во себе содржи состојки од соја изофлавон (фито-естогена) против пореметувањата врзани за менопаузата и зачуввување на минералната густина на коските.

Испитувањето е направено за време на две години на 248 жени на возраст од 45 од 60 години, меѓу кои на половина од нив им е давано 200 милиграми соја изофлавон, додека на другите им е давано плацебо.

Разликата во густината на коските меѓу едната и другата група испитаници, како и силината на симптомите на климаксот, меѓутоа, не е забележана, дури е констатирано дека употребата на додаток во исхраната во вид на изофлавон може да предизвика констрипација.