Научниците тврдат дека кревањето на тегови може да им помогне на пушачите да ги откажат цигарите...

Тим на истражувачи од болницата Мириам на Род Ајленд тврди дека пушачите кои сакаат да се откажат од пушењето, имаат двапати поголеми шанси тоа да го направат, но ако редовно вежбаат.

Ова истражување се базира на претходните истражувања кои тврдат дека аеробикот помага во запирањето на пушењето, но и дека помага во одржување на саканата тежина по откажувањето од пушењето.

Лидерот на тимот истражувачи д-р Џозев Киколо истакна дека "повеќето пушачи сакаат да престанат да пушат, но само на 5% тоа им успева без ничија помош".

Истражувањето опфатило две групи. Едната група била контролна и не учествувала во задачите, додека друга била предмет на посебен режим на вежбање кое траело 60 минути неделно. Се состоело од 10 различни вежби за цело тело, вклучувајќи и кревање тегови. Секои три недели, постепено се зголемувал интензитетот на кревање тегови и вежбање. Целосното истражување траело 12 недели.

По завршувањето на истражувањата, во контролната група само 8% од испитаниците престанале да пушат, но е забележано и зголемување на телесната тежина и масните наслаги.

3 месеци по завршетокот на истражувањето ниту еден од учесниците не започнал повторно да пуши, а повеќето од нив продолжиле да вежбаат.

Докторот Киколо заклчил дека е потребно да се направат уште многу слични истражувања пред тоа да започне да се користи како медицински третман за помош на пушачите кои сакаат да престанат да пушат.