Луѓето кои пушат веднаш откако ќе станат наутро, имаат поголема веројатност да заболат од рак, отколку оние кои палат цигара подоцна во текот на денот, открија американските научници...

Истражување на 7610 пушачи кое било објавено во весникот "Cancer", покажува дека ефектот не зависи од други навики поврзани со пушењето.

Пушењето во првите 30 минути по будење речиси го удвојува ризикот од рак на белите дробови. Причината за тоа е голтањето на повеќе чад од страна на нетрпеливите пушачи.

Научниците од Пен Стејт колеџот во Медисон во САД истражувале 4776 пушачи со рак на белите дробови и 2835 пушачи, кои не биле болни од рак.

Тие утврдиле дека пациентите кои пушеле во првите 30 минути по будењето, имале за 79% поголема веројатност да се разболат од рак, од луѓето кои чекаат најмалку еден час. Научниците откриле дека ефектот од времето на првата цигара се задржува и кога ќе се земат во предвид другите фактори како бројот на испушени цигари за еден ден. Во друго истражување биле забележани 1850 пушачи, 1055 од нив имале рак на главата и на вратот.

Истражувачите утврдиле дека луѓето кои пушат веднаш по станувањето, имаат 59% поголема веројатност да развијат тумор од оние кои чекаат најмалку еден час за да запалат цигара.