За зголемената телесна тежина обично се обвинуваат мрзеливоста и лошиот начин на исхрана...

Американско истражување покажува дека карактерот на човекот, исто така, има важна улога, која тешко се надминува, соопштува весникот Дејли Експрес...

Ако човек е импулсивен, совесен или невротичен, лесно е да му се предвиди каква ќе му биде тежината со годините.

Научниците од националниот институт за стареење анализирале детални статистички податоци за 1988 лица, следени во текот на 50 години. Така тие определиле дека карактерот зависи од тежината и индексот на телесната маса.

Научниците утврдиле дека иако со возраста, тежината обично се зголемува, значаен показател за вишокот на килограми е импулсивноста.

Импулсивните луѓе почесто се прејадуваат и препиваат. Импулсивните никогаш неможат да застанат на едно колаче, тие го јадат целиот пакет, објаснуват д-р Анџелина Сатин од тимот.

Повеќе тежина имаат и луѓето кои ги сакаат ризиците, како и оние кои често не се согласуваат со заедницата и секогаш се подготвени за расправија.

Со лоши резултати во контролата на телесната тежина се исто и циниците и приврзаниците на конкуренцијата. Невротичните луѓе често поминуваат низ циклуси на слабеење и дебелеење.

Луѓето со највисоки показатели за импулсивност тежат просечно по 10 килограми повеќе од помалку импулсивните.