При кашлица, настинка и синузитис се препорачува миење со солена вода...

Солената вода е препорачлив лек за кашлица, настинка и лесни форми на синузитис заклучиле голем број на истражувања. Се применува во форма на перење на носната  шуплина, кои го отстрануваат секретот и овозможуваат дишење преку нос.

Освен природната солена вода, може да се направи уште и раствор со солена вода и во домашни услови или да се купи физиолошки раствор од аптека.

Не постојат докази или случки во кои примената на солената вода може да доведе до сериозни здравствени заболувања, додека придобивките од оваа терапија се потврдени.

Во едно истражување, чија цел било да се докаже како солената вода го подобрува здравјето учествувале 400 волонтери кои се пожалиле од настинка. Во текот на одреден период  тие биле лекувани со солена вода. На крајот од предвидениот период се утврдило дека со миење со солена вода трипати на ден, кај 40% од учесниците се спречило евентуалната појава на респираторни  инфекции.

Кога станува збор за солената морска вода таа е особено ефикасна за третман на синузитис и за заштита од болести на носната шуплина и слузница. Истовремено ја олеснува и хроничната главоболка  што е една од главните предуслови за појавата на синузитис.