Многумина веруваат дека пушењето помага да се контролира телесната тежина, но тоа е само уште еден мит...

Тоа е неочекувано откритие, направено од научници од Универзитетскиот колеџ во Лондон по 5 годишни набљудувања на повеќе од 3.000 лица. Резултатите од истражувањето биле изненадувачки и за самите научници. "Во текот на многу години сметавме дека цигарите навистина помагаат да се регулира тежината. Излегува дека е токму спротивно - луѓето кои никогаш не пушеле ги контролираат своите килограми многу поуспешно од пушачите" , соопшти за Ројтрес професорот Роберт Вест.

Според британските научници дека пушачите на средна возраст изгледаат послаби од непушачите е уште една илузија. Цигарите влијаат на ендокриниот систем, така што дури и нормалните количества масни наслаги се насобираат нерамномерно и на тој начин ја деформираат фигурата дури и ако не постои зголемена тежина.

Резултатите собрани од пушачите што неодамна се откажале, покажуваат дека многу од нив ја намалиле телесната тежина за неколку килограми, но и кожата им се подмладила за 10-13 години. Во друго истражување научниците од медицинско училиште во САД определиле дека откажувањето од цигарите веднаш има позитивен ефект врз здравјето, а опасноста од предвремена смрт се намалува за 13% во наредните 5 години.