Потењето е непријатен проблем кој може да го влоши квалитетот на живот и да предизвика многу стресни ситуации. Доколку ве мачи токму тоа, а сте се обиделе со помош на безброј различни средства кои не ви помогнале, свртете се кон природата и обидете се со етерични масла...

Личностите кои имаат проблеми со засилено потење, често се присилени повеќе пати дневно да ја менуваат облеката, а поради тоа имаат големи проблеми, како на работата, така и емоционално. Во поголемиот број случаи се работи за непозната причина за потење.

Од средствата против зголемено потење најчесто се употребуваат разни антиперспиранси, лосиони и други средства на база на алуминиумска сол која може да предизвика иритација или воспаление на кожата под пазувите.

Зголеменото потење можете да го контролирате и со целосно природни состојки. Етеричните масла од здравец, чемпрес, црн ким и чајно дрво, без додаток на хемиски средства можат да помогнат во остранувањето на овој, за многумина, многу стресен проблем.

Тенок слој масло од здравец нанесете го на телото и пуштете нека се впие и исуши. Пријатен мирис и чувство на свежина ќе ве следи во текот на целиот ден. Маслото од чемпрес има антибактериско и смирувачко дејство, па е одличен избор кај проблемите со потењето, а чајното дрво освен што го спречува потењето на нозете, помага и кај проблемот со габите и разни бактерии и вируси.

Маслото од црн ким исто така помага кај заболувањата од габи и бактерии, а се нанесува директно на кожата и на местото под пазувите.

Маслата можете да ги набавите во аптеки и навистина да уживате во нивните лековити својства.