Со овие малку бизарни и необични трикови можете навистина да придонесете за вашето здраве. Иако носењето на високи потпетици може да му наштети на ’рбетот, на вашите колена, всушност, ќе им направите услуга...

Носете потпетици

Со носењето на високи потпетици ќе им направите услуга на вашите колена. Исто така, жените кои често носат потпетици имаат многу посилно изразен тонус на мускулите на нозете и се чувствуваат посексипилно, што позитивно се одразува на нивниот сексуален живот.

Чоколадно млеко за слабеење

Заборавете на обичната вода затоа што истражувањата покажале дека чоколадното млеко помага при слабеењето. Овој вкусен пијалок направен од избрано млеко, посебно после тренинг или некоја долга физичка активност, ќе ви ја врати енергијата, ќе ви го намали апетитот и ќе ви ја задоволи желбата за благо.

Помирисете јаболка

Една стара поговорка вели дека ако јадете по една јаболка на ден, воопшто нема да имате потреба од лекар. Излегува дека била точна. Имено, научниците тврдат дека самиот мирис на зелената јаболка ја отстранува болната мигрена.

Избричете ги мустаќите, мијте ја косата

Ако сте склони кон алергии, можеби е време уште еднаш да размислите за бричење на мустаќите. Имено, мустаќите, баш како и облеката, кожата и косата, на себе собираат полен. Ако не сте воодушевени со идејата за бричење на мустаќите, се препорачува нивно миење два пати дневно, а истото важи и за косата во која се кријат илијаднии ситни зрна полен.