Задоволството при конзумирање на мрсна храна, не е само уживање во нејзиниот добар вкус, туку претставува сигнална врска помеѓу стoмакот и мозокот...

Белгиски тим на универзитетот во Лувен со помош на магнетна резонанца го следеле магнетното влијание на масните киселини директно вбризгани во стомакот, соопштува Ројтерс.

Од испитаниците се очекувало прво да го оценат своето расположение на скала од еден до девет, а потоа им била пуштена тажна музика и им биле покажувани фотографии од тажни сцени. Потоа на половина од нив им било директно инјектирано во стомакот масна киселина, а на другата половина солен раствор.

Потоа биле замолени повторно да го оценат своето расположение, но не им било речено кој вид на раствор го примале. Излегло дека на оние на кои им било вбризгувано масни киселини биле напола помалку тажни од оние на кои им бил вбризгуван солен раствор.

"Јадењето мрсна храна не прави да изгледаме помалку склони кон тажни емоции, дури и кога не знаеме дека сме јаделе мрсно", заклучува водачот на истражувањето д-р Лукас ван Ауденхов.

Резултатите од оваа студија фрлија нова светлина врз дебелината, депресијата и нарушувањата во исхраната, иако сеуште е премногу рано да се каже дали тоа ќе биде важно за изнаоѓање на нови терапии за овие болести.