Уште едно модно фијаско ја изненади јавноста, но овој пат главните актери не беа преслабите и анорексични, туку пополните модели кои за да бидат во склад со високите стандарди на модните гиганти мораат да користат разни трикови како преничиња за колкоив кои ги засилуваат нивните раскошни облини...

Иако таканаречениот конфекциски број нула, кој макотрпно го негуваат бројни холивудски ѕвезди и манекекни се уште е број еден во светот, се повеќе од најсилните светски брендови промовираат мода за пополни.

Но, освен моделите кои секојдневно добиваат критики од дизајнерите дека се прераскошни и дека треба уште да ослабнат, со сличен проблем секојдневно се среќаваат и манекенките за големите конфекциски броеви, но во потполно друга насока.

Една од најпопуларните полни модели, Маркита Принг, призна дека употребува разноразни трикови за да ги зголеми високите модни критериуми за брендовите за кои работи.

Дваесет и една годишната убавица која се појави во реклама за Levi's and Evans и носеше ревија за Jean Paul Gaultier во интервју откри дека за потребите за снимањето користи перничиња за колковите кои ја прават уште пополна.

„Јас сум како и секој друг модел. И јас морам многу да работам на себе и на својот изглед. Луѓето мислат дека моделите за пополни не се грижат мноуг за својот изглед и дека можат да прават што сакаат, но тоа не е вистина затоа што мојата тежина секогаш треба да биде иста за да ги задоволи високите критериуми на клиентите, а за тоа е потребна контрола“, изјави Маркита, додавајќи дека секој ден вежба и се држи до строг режим за прописна диетална прехрана.