Сите барем еднаш на своја кожа сме почувствувале силна главоболка по тежок ден на работа или по жестока расправија со партнерот, но дали сте знаеле дека стресот може да предизвика многу потешки симптоми како губење на помнењето и чувство на ладнотија кои долгорочно влијаат на нашето здравје...?

Крварење на непцето

Секојдневната напнатост силно влијае на нашиот организам и го ослабнува имунитетот. Тоа им овозможува на бактериите во усната шуплина да се размножуваат поради што можат да се јави инфекција на забното месо која се манифестира со крварење на непцето.

Губење на помнењето

Дали некогаш сте се нашле во ситуација да не можете да се сетите каде сте ги оставиле клучевите, како се вика вашиот колега или кога имате закажено на заболекар? Стресните ситуации делуваат на хормоните што причинско последично можат да предизвикаат краткотрајни губења на помнењето односно лоша меморија воопшто.

Кошмари

Кога мозокот за време на стресен ден се преполни со информации кои ве прават тегобни и нервозни, таквите информации невозможно е во целост да се процесуираат, па приказната продолжува и во текот на сонот. Токму поради тоа кошмарите и необичните сонови можат да бидат многу почести ако вашиот ден е исполнет со негативна енергија што може да доведе до хроничен умор поради лош и испрекинат сон.

Менструални болки

Медицинските истражувања покажале дека жените кои секојдневно се под стрес имаат многу поболни менстурации од оние кои живеат помалку стресен начин на живот. Напнатоста предизвикана од стресниот начин на живот додатно го зголемува грчењето на материцата што предизвикува многу посилно чувство на болка.