Во лето сме многу поактивни отколку во зимата, поради убаво и сончево време кое не тера на прошетки и дружења надвор од четири ѕидови. Но, и покрај движењето и многу полесната и помалку калорична прехрана во периодот на годишни одмори, поголемиот број се враќа и со неколку килограми вишок. Ако се уште не знаете зошто се случува тоа, време е да ги откриете 3 главни причини за летното дебелеење...

1. Излежување
Летниот бег од секојдневието е главна причина за летното дебелеење. Патувањето од соништата делува многу релаксирачки, но токму во неоптеретениот начин на живот во текот на две или три неделн одмор се крие вистинскиот виновник. Иако можеби сте планирале секојдневно да пливате и да учествувате во бројни случувања како разгледувања на знаменитости и излети, повеќето сепак се одлучуваат за илежување на плажата и лесен одмор во лежалката по вкусната скара.

2. Исхрана
Повеќето на одмор одат со намера кујнските работи да ги остават далеку зад себе. Токму таквиот одмор од готвење и спремање на храната може да биде клучен во натрупувањето несакани килограми. Специјалитетите на скара, брзата храна во паузите меѓу бањењето и сончањето и разните разонодувачи како сладоледите и колачите се всушност калории кои ги внесувате во организмот двапати повеќе отколку што би го правеле тоа кога би биле дома.

3. Алкохол
Со сонце, море и добро друштво совршено одговара и по некоја чашка алкохолен пијалок. Освен што алкохолот само по себе предизвикува натрупување на килограми, освежувачките слатки коктели кои ги пиете во дебела ладовина или на забава се вистински калориски бомби кои кријат илијадници калории. Со оглед на тоа дека на алкохолот совршено му одговараат солени грицки, со комбинација на овие две забавни, но и нездрави навики добивате вистински собирач на килограми.