Анорексијата, иако обично се смета за болест која ги погодува жените, првенствено тинејџерките, се повеќе зема замав и меѓу машките...

Неодамнешни истражувања покажуваат дека се поголем е бројот на мажи кои се изгладнуваат за да изгледаат како манекени и фотомодели.

Изгладнувањето, депресијата, недостатокот на сексуална желба и изолација од општеството се само некои од симптомите на оваа болест.

Мажите често, поради околината, не се склони да го признаат проблемот, па кога се јавуваат на доктор, обично тоа веќе се тешки случаи.

Неодамнешни истражувања покажале дека во изминатите десет години бројот на мажи кои се примени во болница во Англија со пореметување во исхраната пораснал за 66%.

„Станува збор за мажи опседнати со тежината, физички вежби и бројот на калории кои го внесуваат“, наведуваат професионалците.

„Притисокот кои денеска го трпаат мажите да имаат совршено тело сличен е оној на кој жените се издолжени подолго време“, истакнуваат тие.

Податоците наведуваат дека 1,6 милиони луѓе во Велика Британија страдаат од некој облик на пореметување во исхраната, од кој секој петти е маж.