Ладен сок, газиран пијалок или сладолед, со кои најчесто се разладуваме на летните горештини, не можат да предизвикаат воспаление на грлото...

Воспаление на грлото можат да предизвикаат само бактериите и вирусите.

Поради високите надворешни температури, грлото во лето е посуво од обично, што им одговара на вирусите и бактериите. Поради тоа треба да бидат внимателни посебно оние кои страдаат од често воспаление на крајниците, алерии, враќање на желудечната киселина во грлото или пушачите.

Тие треба да земаат доволно витамини и доволно да се одмараат за да го засилат својот имунитет и да ја намалат можноста за воспаление.

Ладните пијалоци и сладоледот, ако се земаат брзо и во големи количини, можат да предизвикаат стеснување на крвните садови на грлото и благо да го иритираат грлото, но не и да доведат до воспаление на истото.

Претераното разладување на просторијата и нагло преминување на топло, исто така можат да го „премрзнат“ организмот, кој тогаш е склон кон воспаленија.