Новата серија на јужнокорејската компанија ќе биде од средно ниската класа...,

Galaxy M серијата започнува со два модела, Galaxy M10 и Galaxy M20, кои почнуваат со продажба од следниот месец, сега за сега само во Индија, а цените ќе се движат од 112 до 182 долари, зависно од моделот и карактеристиките.

Galaxy M серијата е и прва од Samsung која го користи нивниот Infinity-V екран, односно екран со исечок на горната страна. Galaxy M10 има 6,2 инчен HD+ екран, додека M20 со 6,3 инчен FHD+ екран. Двата уреди доаѓаат со Widevine L1 сертификација која е поврзана со можноста за стриминг на HD содржина.

Galaxy M20 работи на Exynos 7904 осум јадрениот процесор, додека M10 на исто така осум јадренниот Exynos 7870. Двата модели имаат двојна камера на задната страна со по 13 мегапиксели за главната и уште една широко аголна 5 мегапикселна. Една карактеристика привлекува внимание кај M20 моделот, а тоа е батеријата со капацитет од 5.000 mAh, капацитет со кој сигурно ќе може да се помине еден цел ден. M10 доаѓа со прилично стандардна батерија со капацитет од 3.400 mAh.