NASA Space Apps Challenge 2018 ќе се одржи во Скопје и оваа година, како и досега...
New Man’s Business Accelerator е главниот организатор на хакатонот со поддршка од Амбасадата на САД во Македонија. Сега овој пат ќе има и акцелераторска програма, наместо хакатон – „Space Startups Launchpad“. Програмата ќе се реализира од ноември 2018, до мај 2019. Поддршка на NewMan’s за ова ќе биде фондацијата Голдилокс.
Можност за учество во програмата имаат сите учесници на NASA Space Apps хакатоните. Акцелерацијата ќе продолжи по одржување на NASA Space Apps Challenge 2018. Како и досега хакатонот е глобален настан и ќе се одржи на повеќе локации во светот истовремено. Настанот започнува на 19 октомври и ќе трае до 21 октомври. Категориите за натпреварот оваа година се веќе достапни и може да ги прегледате тука.
Ова е шести пат да се одржи хакатонот, а интересот за настанот е огромен. На натпреварот учество земаат повеќе од 800 претприемачи, програмери, инженери, дизајнери, истражувачи, економисти, научници, средношколци и студенти. Македонските тимови се дел од поуспешните на натпреварите. Еден од тимовите патуваше и во NASA Kennedy Space Центарот во Флорида на средба со претставници од NASA.
Победнички тим на NASA Space Apps Challenge директно ќе обезбеди учество во акцелераторската програма. Заинтересираните може да се пријават на NASA Space Apps Challenge Macedonia на следниот линк.
