Истражувањето наречено "The Autism Glass Project", докажа дека со користењето на Google Glass се олеснува на аутистичните лица со снаоѓањето во општеството, кои имаат проблем со комуникацијата. Аутистичните лица имаат проблем со воспоставувањето на контакт со очите, но и идентификувањето на изразот на лицето и емоциите.

Авторите на студиите ги искористија Google Glass со цел да ги снимаат различните изрази на лицата што се наоѓале пред аутистично дете. Сликите потоа ги вчитувала апликација направена за смартфон. Вештачката интелигенција во апликацијата ги анализира фотографиите и ги дефинира изразите на лицата, како еден од осумте изрази на среќа, тага, гадење, изненадување, лутина, страв, презир и мир.